'N sla pounta d’la couliña
A ie’ 'mpianta’ Tarvilla:
An vista dal Mounfrà
l’e’ 'l pais pu ben piantà.

Evviva Tarvilla tich tich e tich toch
L’è 'l pais d'jarticioch.

La gent l’è tant tranquilla,
efet d’la camamilla:
'jè d'jomni, d'fij e d'fieui
Ch'ai sôn propi 'l nostr' argheui.

Evviva Tarvilla ...

La fabrica di mobil
l'ha granda rinômansa
I spous ai van ardì
par j'acquist da fassi 'l ni.

Evviva Tarvilla ...

La Cesa 'ntla campagna,
San Quili l’è noumaia;
L’è propi un di môdei
dl' arte antica di pu bei.

Evviva Tarvilla ...

'L funtanin dal sourfou
L’ha ina virtù speciala;
ma 'l vin dà pu d'vigur
mei che l’acqua di doutour.

Evviva Tarvilla ...

Al nost pais l'è 'n voga
noumà par 'na distinta;
lô san parfinna ì gnoch,
l'è 'l pais d'jarticioch.

Evviva Tarvilla ...

Albin l'è 'l nost pôeta (1)
Surboun nost musicista (2)
la banda coumunal
fa 'n dà via tuti i mal

Evviva Tarvilla ...

E noui tuti 'd Tarvilla,
glourious 'dla nostra villa,
crioumma an pien dirit:
Viva, viva 'l nost bel brich.

Evviva Tarvilla ...